37 jyl buryn túrmeden qashqan er adam tutqyndaldy
ASTANA. QazAqparat - Nıý-Iork polıtsııasy 37 jyl boıy qashyp júrgen 64 jastaǵy er adamdy tutqyndady.
1977 jyly Soltústik Karolına shtatynda eki ret bank tonaýǵa áreket jasaǵany úshin 30 jyl túrmede otyrǵan Ýolter Mıller jazalaý ornynan qashyp ketken, dep habarlady TASS. Sodan beri ol Nıý-ıorktiń Brýklın aýdanynda jalǵan esimmen ómir súrip kelgen. 1985 jyly úılengen, tórt balasy bar.Ol birneshe jerde jumys istep, shirkeýge de baryp turǵan.
Mıller óz úıinde tutqyndaldy: tańerteń erte ony polıtseıler alyp ketti.
Taıaý kúnderi sot ony jazasyn óteý úshin Sotústik Karolınaǵa jiberý máselesin qaraıtyn bolady. Mıllerdiń áıeli men balalary qashqynnyń ótken ómiri jaıly múldem bilmegen, olar bıliktiń keshirim jasaıtynyna úmittenip otyr.
Saqshylardyń Mıllerdiń izine qalaı túskeni ázirge belgisiz.
