37 myńǵa jýyq medıtsına mamany sertıfıkatsyz jumys istegen

NUR-SULTAN. QazAqparat – Esep komıteti ekonomıkanyń naqty sektoryna aýdıt júrgizý departamenti dırektorynyń orynbasary Nurlan Qatrenov medıtsına mamandarynyń sertıfıkatsyz jumys istep kelgenin málimdedi, dep habarlaıdy QazAqparat tilshisi.

Aǵymdaǵy jyldyń sáýir aıyna deıin Qazaqstanda jeke jáne memlekettik sektorlarǵa 324 myń medıtsına mamany tirkelgen. Onyń ishinde dárigerler - 97 myń (30%), orta medıtsınalyq personal - 227 myń (70%) adam.

«Osy personaldyń ishindegi 36 954 (11%) mamanda klınıkalyq praktıkaǵa ruqsat beretin sertıfıkat bolmaǵan. Onyń 11 myńy dárigerlik, 25 646 myńy orta medıtsınalyq personal», - dedi Nurlan Qatrenov Esep komıtetiniń otyrysynda.

Onyń aıtýynsha, 112 myńnan astam medıtsına mamanynyń bilimi men kásibı daıarlyǵy tekserilmeı praktıkaǵa jiberilgen.

Buryn habarlaǵanymyzdaı, elimizde medıtsına mamandarynyń tapshylyǵy 2 esege artqan. Sonymen qatar 2019-2021 jyldardaǵy aýdıt qorytyndysy boıynsha Esep komıteti 5,8 mlrd teńgeni quraıtyn qarjylyq quqyq buzýshylyqtardy anyqtady. Taǵy 7,5 mlrd teńge boltyn bıýdjet qarajatynyń tıimsiz paıdalanylǵany týraly derek tirkelgen.