37 mln teńgeden astam qarjy urlaǵan Qazposhtanyń 2 qyzmetkeri 7 jylǵa sottaldy

NUR-SULTAN. QazAqparat – Qarjylyq monıtorıng agenttiginiń BQO boıynsha departamenti «Qazpochta» AQ poshta bólimshesiniń eki qyzmetkeri JShS-lardyń biriniń shotyna ótkizilgen aqshany 4 jyl boıy urlap kelgenin anyqtady, dep habarlaıdy QazAqparat.

Agenttiktiń baspasóz qyzmeti taratqan derekterge qaraǵanda, urlanǵan qarjynyń jalpy somasy 37 mıllıon teńgeden asady.

Sonymen qatar, olar 2013-2020 jyldar ishinde qujattardy qoldan jasaý arqyly zeınetkerdiń 1,2 mln. teńgedan astam qarajatyn ıemdenip alǵan.

«Operatorlar 7 jylǵa bas bostandyǵynan aıyryldy. Olarǵa qarjylyq jáne memlekettik uıymdarda materıaldyq jaýapty qyzmetterdi atqarýǵa ómir boıyna tyıym salynady»,-delingen habarlamada.