37 asa problemalyq qurylys nysany Astana ákimdiginiń baqylaýyna alyndy
ASTANA. QazAqparat - Elorda ákiminiń orynbasary Sergeı Horoshýn tóraǵalyq etetin vedomstvoaralyq komıssııa turǵyn úı qurylysyna úlestik qatysý máselelerin qaraý jáne sheshý boıynsha belsendi túrde jumys júrgizip otyr. Búgingi kúni 37 asa problemalyq nysan jáne jumys óndirisi kestesinen edáýir keshigýlerge jol berilgen 29 qurylys VAK-tyń baqylaýyna alynǵan, dep habarlaıdy qalalyq ákimdiktiń baspasóz qyzmeti.
Búginde negizgi másele ınvestıtsııalaý, aldyn ala satý-satyp alý jáne birlesken qyzmet týraly kelisimderdi zańdy aınala otyryp jasaǵan qurylys salýshylar bolyp otyr.
Problemalyq nysandarǵa ınvestıtsııalaý kelisimderine qol qoıǵan jeke ınvestorlardyń sany 37 nysanda 9 myń adamdy quraıdy.
Osy rette, «Azbýka jılıa» kompanııalarynyń nysandaryna qatysty qylmystyq isti tergeý aıaqtaldy. Investorlardyń jalpy sany 3355 adamdy quraıdy, olar barlyq nysandar boıynsha turǵyn úı-qurylys kooperatıvterin qurǵan jáne VAK jumysynyń sheńberinde nysandardyń qurylysyn aıaqtaý tetikteri ázirlendi.
«Oral Dızaın Stroı Servıs» JShS turǵyn úı kesheni boıynsha ınvestorlardyń jalpy sany 500 adamnan asady. VAK usynystaryna sáıkes munda da TQK qurylyp, ınvestorlardyń jáne memlekettik quqyqtaryn qorǵaý algorıtmi jasaldy. Osy jumys sheńberinde prokýratýra ınvestıtsııalaý týraly jasalǵan kelisimderdi buzý, kelisimder boıynsha tólengen somalardy qaıtarý, qurylysty óz betimen aıaqtaý úshin TK-ny TQK-ge óndirip alý týraly sotqa shaǵym túsirý josparlanǵan.
«Tólendi» TQK nysandary («Anısa», «Anısa-2», «Anısa-3» turǵyn úı keshenderi, «Kóktal» TK, «Stolıchnyı-2» TK, «Abat» TK, «Telman» TK) boıynsha turaqty túrde baqylaý júrgizilýde jáne qajet qujattardy rásimdeý boıynsha qoldaý kórsetiledi.
«Ál-barakat» kompanııalar tobynyń alty nysanynan «Praga» TK boıynsha ǵana qurylys bastaldy, onyń ınvestorlary qurylysty óz betterimen aıaqtaý úshin TQK qurdy. Qalǵan bes nysan («Ak Jar» TK, «Shardja» TK, «Tokıo» TK, «Tengız» TK, Turan dańǵ. KTK) boıynsha ınvestorlar bir TQK quryp, oǵan jer telimi bólinip, ınvestordy izdestirý jumystary júrgizilýde.
Basshylary sottalǵan «Kaz Sheıh Invest» JShS-iniń ınvestorlary da osyndaı jumys júrgizdi. Atalǵan nysannyń ınvestorlarynyń sany 40 adamdy quraıdy, olar da TQK qurdy.
«QazGazAstana» kompanııasynyń nysandary boıynsha ІІD quryltaıshy D. Ahmedııarovqa qatysty qylmystyq is qozǵady, ol qamaýǵa alynyp, ýaqytsha ustaý ızolıatoryna otyrǵyzyldy.
«Marsel», «Altyn uıa», «Zere» jáne «Zere-2» TK boıynsha ınvestorlardyń jalpy sany 282 adamdy quraıdy, bul nysandarda qurylys múldem júrgizilip jatqan joq. VAK jumysynyń sheńberinde qurylysty óz betterimen bitirý úshin atalǵan nysandardy TQK-ge berý máselesi qarastyrylýda.
VAK jumysy sheńberinde «Kvartıra NS» JShS úsh nysany boıynsha olardyń qurylysyn aıaqtaý úshin ınvestor anyqtaldy. Qazir «Maır-7» JShS daıyndyq jumystaryn júrgizip, qurylys nysandary boıynsha jaǵdaıdy saralaýda.
«Tamyz Invest Grýpp» AQ bes nysanynyń qurylysy ruqsat qujattarsyz aıaqtaldy.
«Jastar-4» TK boıynsha «Bahyt-11» JShS qurylysty jobadan aýtqyp júrgizý, jáne páterlerdi zańsyz satý áreketteri anyqtaldy. Qazirgi kezde ákimdiktiń qoldaýymen jumys jobasy boıynsha memlekettik saraptamanyń oń qorytyndysy shyǵaryldy. Qazir qurylys qaıta jandandyryldy.
VAK jumysy sheńberinde «Arystan» turǵyn úı kesheniniń ınvestorlaryna qurylysty óz betterimen aıaqtaý úshin TQK uıymdastyrý týraly usynys berildi.
Ár apta saıyn VAK otyrystarynda qalǵan nysandar boıynsha jaǵdaı týraly úlesker-ınvestorlardyń bastamashyl toptarynyń aqparattary tyńdalady.
VAK músheleri qoldanystaǵy zańnamanyń sheńberinde qurylys salýshylarǵa nysandardyń qurylysyn aıaqtaýda qoldaý kórsetip otyr. Qurylys salýshy tarapynan naqty jumys júrgizilmese, qurylysty óz betterimen aıaqtaý úshin nysandardy TQK-ge berý boıynsha sot protsedýralaryn júrgizý usynylady. 2014-2016jj. VAK qyzmetiniń arqasynda 20-ǵa jýyq problemalyq nysannyń qurylysyn aıaqtaý máseleleri sheshimin tapqan.
