37 adamdy qajylyqqa aparmaq bolǵan alaıaqtar 4 jylǵa sottaldy
ASTANA. KAZINFORM – Astana qalasynyń eki turǵyny adamdarmen aldyn ala kelisip Instagram áleýmettik jelisine Saýd Arabııasynyń Mekke jáne Mádına qalalaryna qajylyq saparyn uıymdastyrý jóninde jarnama jarııalaǵan.
— Qylmyskerlerdiń ýádesine sengen qajylyqqa baram degen 37 azamat olarǵa jalpy kólemde 60 mln teńge aqsha qarajatyn tapsyrǵan, — delingen habarlamada.
Alǵan mindettemelerin oryndamaı, jábirlenýshilerden alynǵan aqsha qarajattaryn óz qalaýynsha jumsaǵan.
Sot úkimimen olardyń árqaısysyna 4 jyl merzimge bas bostandyǵynan aıyrý jazasy taǵaıyndaldy.
Jábirlenýshilerdiń keltirilgen materıaldyq zalaldy óndirý týraly azamattyq talap aryzdary tolyq qanaǵattandyryldy.
Sot úkimi zańdy kúshine engen joq.
Aıta ketelik BQO-da WhatsApp arqyly 15 adamdy aldaǵan úsh alaıaq sottalǵan edi.
