3600 adamnyń ólimine qatysy bar buryn Osventsım sanıtary bolǵan 95-tegi qarııa sottalady
ASTANA. QazAqparat - Hýbert Z. esimdi buryn Osventsım ultshyldar lagerinde sanıtar bolǵan 95-tegi qarııa Germanııa sotynyń aldynda jaýapqa tartylady. Onyń Ekinshi dúnıejúzilik soǵys kezinde ajal qushqan 3 681 adamnyń ólimine qatysy bolǵan, dep jazady Bı-bı-sı.
Burynǵy sanıtarlar komandasynyń ýnter-ofıtseri «ólim lagerinde» 1944 jyldyń 15 tamyzynan 14 qyrkúıegine deıin qyzmet atqarǵan. Osy ýaqyt aralyǵynda lagerge kem degende 14 eshelon tutqyn kelip túsken. Nemister olardy Frantsııa, Avstrııa, Nıderlandydan jer aýdarǵan.
