36 jastaǵy qazaqstandyq áıel Birikken Arab Ámirlikterinde mıllıon utyp aldy - BAQ
ASTANA. 26 sáýir. QazAqparat - 36 jastaǵy qazaqstandyq Botagóz Áljanova Birikken Arab Ámirlikterinde Dýbaıdyń bankimen uıymdastyrylǵan utys oıynynda mıllıon dırham ( bul shamamen 272 myń dollar) utyp aldy.
Bul týraly búginTrade Arabia-ǵa silteme jasaı otyryp «Ekspress K» gazetindegi (avtor Varvara Soloveı) «Mıllıon v brachnoı korzıne» atty maqalada jazyldy.
Botagóz Áljanovanyń Birikken Arab Ámirlikterinde turyp kele jatqanyna 8 jyl boldy, Shardjede kompanııalardyń birinde jumys isteıdi. Bir apta buryn turmysqa shyqqan áıeldiń qýanyshynda shek joq. - Bul meniń ómirimdegi erekshe sát, - dedi ol. Áljanova óziniń aqshalaı utysyn 2 bólikke bólip alýǵa sheshim qabyldady, bir bóligin burynan beri armandap júrgen Avstralııa memleketine saıahattaýǵa, ıaǵnı bal aıyna jumsasa, ekinshi bóligin sozylmaly aýrýlarmen aýyratyn qazaqstandyq balalardyń emdelýine, qaıyrymdylyqqa baǵyttamaq.
