+36 °S-tan úsikke deıin: qyrkúıekte Qostanaı oblysynda aýa raıy kúrt ózgeredi
ASTANA. KAZINFORM — Bıyl qyrkúıek aıynda Qostanaı oblysynda aýa temperatýrasy kúrt ózgerip, úsik túsip, qatty jel turady dep boljanyp otyr. Degenmen aılyq ortasha temperatýra klımattyq normada qalady.
Sınoptıkterdiń konsýltatıvtik boljamy boıynsha qyrkúıektegi ortasha temperatýra +12…+15,6 °S bolady, bul rette ádettegi temperatýra +11,3…+15,9 °S.
Aıdyń alǵashqy onkúndiginde qatty aptaptan keıin aýa raıynyń kúrt sýytýy boljanyp otyr. Túnde temperatýra +17…+22 °S-tan, oblystyń batysynda +13 °S-tan +1…+6 °S- ge deıin tómendeıdi. Jerde topyraqtyń betine qyraý qatyp, temperatýra −1 °S-qa deıin qatýy múmkin. Kúndiz termometr baǵanasy +31…+36 °S-tan +15…+20 °S-qa deıin tómendep ketedi. Odan ári kún qaıtadan jylynady: túnde +8…+13 °S-qa, kúndiz +22…+27 °S-qa deıin kóteriledi.
Aıdyń ekinshi onkúndiginde kún salqyndaıdy dep boljanyp otyr. Túnde temperatýra +1…+6 °S-qa deıin tómendep, topyraqtyń betinde −1 °S qatqaq bolýy múmkin. Kúndiz aýa temperatýrasy +15…+20 °S, oblystyń soltústiginde +9 °S bolady. Budan soń temperatýra túnde +6…+11 °S-qa, al kúndiz +20…+25 °S-qa kóteriledi.
Úshinshi onkúndikte túnde temperatýra +1…+6 °S bolady dep boljanyp otyr, bul rette oblystyń soltústik tarabynda −3 °S-qa deıin úsik bolýy múmkin. Kúndiz temperatýra +10…+15 °S bolady dep boljandy. Ári qaraı qaıtadan temperatýra túnde +5…+10 °S-qa, kúndiz +15…+20 °S-qa deıin jylıdy.
Oblystyń az ǵana bóliginde jaýyn-shashyn túsedi dep boljanyp otyr, ıaǵnı shamamen 7-31 mm aralyǵynda, al óńirdiń soltústik-shyǵysynda shamadan tys jaýyn-shashyn túsedi. Jańbyr birinshi jáne ekinshi onkúndiktiń ortasyna taman, sonymen qatar úshinshi onkúndiktiń basynda jaýady degen boljam bar.
Soǵan qosa qyrkúıekte sınoptıkter jeldiń 15–20 m/s-qa deıin kúsheıýin jıi boljap otyr, al aıdyń sońynda tuman túsýi yqtımal.
Buǵan deıin sınoptıkter 18–20 tamyzǵa aýa raıy boljamyn usyndy.
Raıhan Rahmetova
