36 myńnan astam qazaqstandyq Skills Enbek platformasynda oqydy
ASTANA. KAZINFORM – 2026 jyldyń basynan beri 36,1 myń azamat, onyń ishinde 16,7 myńǵa jýyq jumyssyz Skills Enbek kásiptik oqytý platformasynda onlaın-kýrstardan ótkeni týraly sertıfıkattar aldy. Platformada barlyǵy 1,3 mln-nan astam qazaqstandyq tirkelgen. Onyń 56,8 myńy bıyl tirkeldi. Bul rette Platforma jumysynyń barlyq kezeńinde 1,2 myń adam oqýdan ótti.
Oqýdy aıaqtaǵan 16,7 myń jumyssyz azamattyń ishinde, negizinen Shymkent qalasynan (2 172 adam), Aqtóbe oblysynan (2 125 adam) Túrkistan oblysynan (1 446 adam), Qyzylorda oblysynan (1 342 adam), Qostanaı oblysynan (1 304adam) 4 myn adam – (16–35 jas aralyǵyndaǵy) jastar basym boldy.
Búgingi tańda Platformada avtorlar ártúrli baǵyttar boıynsha 581 kýrs jarııalady, onyń 395-i – tegin. Sondaı-aq, odan ári oqý úshin bilim berý alańdaryna aýysý múmkindigimen Fluent Education jáne ıAndeks Qazaqstan seriktesteriniń kýrstary bar.
Kýrstardyń uzaqtyǵy 2-den 72 saǵatqa deıin.
Platformada áleýmettik qyzmet kórsetý jáne t.b. salalardaǵy túrli mamandyqtar boıynsha tegin kýrstar sany únemi artyp keledi. 2026 jylǵy qańtar-naýryz aılarynda sertıfıkattardyń eń kóp sany myna kýrstar boıynsha berildi: «Kassır» (4 047 sertıfıkat), «Kýrs po fınansovoı gramotnostı» (1 994 sertıfıkat), «Professıonalnyı kýrs ındıvıdýalnogo pomoşnıka dlıa soprovojdenııa lıts s trýdnostıamı v peredvıjenıı» (1 422 sertıfıkat), «Vvedenıe v sotsıalnýıý rabotý» (426 sertıfıkat).
Buryn habarlaǵandaı, Platforma halyqtyń bilim deńgeıi men kásibıligin arttyrýǵa, mansaptyq damýdy yntalandyrýǵa jáne «ómir boıy oqytý» tujyrymdamasyn ilgeriletýge baǵyttalǵan. Ol qyzmetter naryǵynyń marketpleıs qaǵıdaty boıynsha onlaın-kýrstarǵa qoljetimdilikti usynatyn halyqaralyq bilim berý platformalarynyń úlgisi negizinde quryldy.
Oqýǵa https://skills.enbek.kz/ siltemesi arqyly nemese Elektrondyq eńbek bırjasynda (Enbek.kz) «Onlaın oqytý» bólimin tańdaý arqyly qol jetkizýge bolady.
Platformada bilim alýshy oqytýdyń qolaıly qarqyny men tilin, materıaldy berýdiń yńǵaıly prıntsıpin derbes tańdap, bilim berý úderisindegi óziniń ilgerileýin baqylaı alady.
Bilim alýshy úshin keńeıtilgen kýrstardy izdeý múmkindigi, sabaqtyń túsinikti qurylymy, oqý protsesin baqylaı alý jáne kýrs avtorlarymen jyldam ózara árekettese alý sııaqty múmkindikter qarastyrylǵan. Paıdalanýshylarǵa qajetti aqparatty jyldam izdeýge jáne suraqtarǵa jaýap alýǵa múmkindik beretin jasandy ıntellekt negizindegi chat-bot qoljetimdi.
Oqý aıaqtalǵannan keıin bilim alýshy 70% shekti deńgeımen testileý tapsyrýy tıis. Onlaın kýrsty sátti aıaqtaǵan jaǵdaıda daǵdylardy ıgerýi týraly sertıfıkat beriledi. Kýrsty aıaqtaýdyń mindetti sharty – bilim alýshy tarapynan kýrsty baǵalaý. Sertıfıkatty júkteý kezinde ıgergen daǵdylar boıynsha Enbek.kz-te bos jumys oryndaryn usyný fýnktsııasy qosyldy.
Alynǵan sertıfıkat Enbek.kz-te tirkelgen kezde bilim alýshynyń túıindemesinde avtomatty túrde kórsetiledi. Qyzmetkerlerdi izdeý kezinde áleýetti jumys berýshi Platformada oqýdy sátti aıaqtaǵan sertıfıkat ıelerin kóre alady.
Platformada onlaın kýrstardy avtorlar men ázirleýshiler tegin ornalastyrady. Kýrstardy memlekettik, orys jáne aǵylshyn tilderinde júkteýge bolady, aqparat ártúrli formatta: mátin, prezentatsııa, beıne jáne aýdıo materıaldar, ınfografıka jáne basqa da ádistermen berilýi tıis. Platforma erekshe qajettilikteri bar bilim alýshylar úshin ınterfeısti beıimdeý múmkindigin boljaıdy.
Kýrs avtorlary úshin yńǵaıly sabaq qurastyrý, jarııalanǵan kýrstardyń statıstıkasy men tıimdiligin qaraý, sertıfıkattardy túrli dızaında jasaý, sondaı-aq oqý qunyn aldyn ala esepteýge arnalǵan onlaın-kalkýlıatordy qoldaný múmkindikteri qarastyrylǵan.
2023 jylǵy jeltoqsannan bastap azamattardyń kýrstardy Enbek mobıldi qosymshasy arqyly da ótýine múmkindik jasalǵan. Qosymshany Google Play jáne AppStore dúkenderinen júktep alýǵa bolady.
Platformada tirkelý jáne jumys isteýge qatysty barlyq suraqtar boıynsha «ERDO» AQ jaýapty qyzmetkerlerimen baılanysa alasyzdar: 8 (7172) 95 43 17 (ishki: 441, 888).
Aıta keteıik, VR-tehnologııanyń kómegimen jańa mamandyqtardy meńgerýge jol ashyldy. Bul bastama, eń aldymen, jumyssyz azamattardyń eńbek naryǵyna beıimdelýine múmkindik bermek.
