36 qarjy pıramıdasynyń qyzmeti toqtatyldy

ACTANA. KAZINFORM – Qarjy monıtorıngi agenttigi qarjy pıramıdalarynyń qyzmetin anyqtaý jáne toqtatý boıynsha júıeli jumysyn jalǵastyryp jatyr. 

2025 jyldyń basynan beri:

• jalǵan ınvestıtsııalyq jobalar týraly aqparat taratqan 7 myńnan astam ınternet-saıt buǵattaldy;
• jalpy aýdıtorııasy 276 myń adamdy quraǵan Instagram jáne Telegram jelilerindegi 43 zańsyz chat jabyldy;
• 86 myńnan astam azamatty tartqan 36 qarjy pıramıdasynyń qyzmeti toqtatyldy;
• 19 qarjy pıramıdasyna qatysty 46 sotqa deıingi tergeý aıaqtaldy;
• 12,5 mlrd teńge somasyna múlikke tyıym salý arqyly keltirilgen shyǵyndy óteý qamtamasyz etildi.

Aıta ketý kerek, 2021 jyldan beri 100-den astam qarjy pıramıdasynyń qyzmeti toqtatylǵan.

— 227 uıymdastyrýshy naqty merzimge bas bostandyǵynan aıyryldy, — delingen Qarjylyq monıtorıng agenttigi habarlamasynda.  

AFM-niń «Baiqa, piramida!» atty Telegram-boty arqyly kez kelgen kompanııanyń qarjy pıramıdasyna qatysy bar-joǵyn tekserýge bolady.

Aıta ketelik Harmony Rider Technology qarjy pıramıdasy aqtóbelikterden 197 mln teńge jymqyrǵany týraly jazǵan edik.