3500 boryshkerdiń ıpotekalyq qaryzdary qaıta qarjylandyryldy - QR Ulttyq banki
Baspasóz qyzmetiniń habarlaýynsha, 3500 boryshkerdiń ıpotekalyq qaryzdardy qaıta qarjylandyryldy.
Búgingi tańda bankter Baǵdarlama sheginde qaryzdardy qaıta qarjylandyrýǵa 11 myń ótinim qabyldady. Onyń ishinde 6 myń ótinim boıynsha qaıta qarjylandyrý týraly oń sheshim qabyldandy.
Qazaqstan Respýblıkasynyń Prezıdenti Nursultan Nazarbaev Ulttyq Bankke QR Úkimetimen birlesip ıpotekalyq qaryz alýshylardyń problemalaryn sheshý boıynsha sharalar keshenin ázirleýdi tapsyrǵan bolatyn.
Memleket basshysynyń tapsyrmasyn iske asyrý barysynda Ulttyq Bank ekinshi deńgeıdegi bankterdiń ıpotekalyq turǵyn úı qaryzdaryn (ıpotekalyq qaryzdardy) qaıta qarjylandyrý úshin 130 mlrd. teńge bóldi.
Ulttyq Bank Basqarmasy 2015 jyly sáýirde arnaıy baǵdarlama bekitti.
Baǵdarlama qaryz alýshylardyń kepilge berilgen jalǵyz turǵyn úıin saqtaý, qaryzdy óteýde qaryz alýshylardyń eń kóp sanyna járdemdesý jáne problemalyq kredıtterdiń úlesin tómendetýge baǵyttalǵan.
Baǵdarlamanyń talaptaryna sáıkes, bólingen aqshany ıgerý kezeńi «Problemalyq kredıtter qory» AQ-tyń bankte salymdy ornalastyrý kúninen bastap 9 aıdy quraıdy. Aqsha bankterde aǵymdaǵy jylǵy maýsym-shildede ornalastyryldy, tıisinshe ıgerý kezeńi 2016 jylǵy naýryz-sáýirde aıaqtalady. Osy oraıda qaryz alýshylar bankterge qaryzdaryn qaıta qarjylandyrý úshin ótinishterin jáne qujattaryn berýdi jedeldetýi qajet.
