350 shaqyrym aqyly jol ýaqytsha tegin bolady — «QazavtoJol»
ASTANA. KAZINFORM — Elimizde 250 shaqyrym avtojol anyqtalǵan aqaýlarǵa baılanysty ýaqytsha tegin bolady. Bul týraly «QazAvtoJol» AQ basqarma tóraǵasy Darhan Imanashev aıtty.
Onyń aıtýynsha, jumys toby aqyly joldardyń jaı-kúıin tekserýdi aıaqtady.
— Búginde búkil aqyly joldardyń shamamen 350 shaqyrymynda aqaýlar anyqtaldy. Atalǵan tizim ókiletti organ — Avtomobıl joldary komıtetine jiberildi. Qazirgi ýaqytta úılestirý jumys júrgizilip jatyr, tıisti buıryq shyǵarylady. Ol jaıynda qosymsha habarlaımyz, — dedi ol Úkimet otyrysynan keıingi brıfıngte.
Kompanııa basshysynyń málimetinshe, 2026 jyldyń 1 qańtarynan bastap 2 000 shaqyrym aqyly joldyń shamamen 350 shaqyrymy ýaqytsha tegin bolady.
— Aldaǵy qurylys maýsymynda atalǵan ýchaskelerde jóndeý jumystaryn júrgizý kózdelip otyrǵanyn taǵy da qaıtalap aıtqym keledi. Paıdalanýǵa berilgennen keıin atalǵan ýchaskelerdi qaıtadan aqy alyna bastaıdy, — dedi «QazAvtoJol» basshysy.
Buǵan deıin ol jyl basynan beri aqyly joldardan 79 mlrd teńge túskenin aıtqan edi.