350 myńnan astam qazaqstandyq JRVI-men aýyryp shyqqan
ASTANA. QazAqparat - Epıdemııalyq maýsym bastalǵaly beri, 27 qańtardaǵy jaǵdaı boıynsha, 350 myńnan astam jiti respıratorly vırýstyq ınfektsııa (JRVI), onyń ishinde 1611 tumaý tirkeldi, dep habarlaıdy QazAqparat Ulttyq ekonomıka mınıstrliginiń Tutynýshylardyń quqyqtaryn qorǵaý komıtetine silteme jasap.
«JRVI-men syrqattanǵan adamdardyń negizgi úlesin (65 %) 14 jasqa deıingi balalar quraıdy. Barlyq JRVI-men syrqattanǵandar ishinde oqýshylardyń úles salmaǵy 20%-dy, tumaýmen syrqattanǵandar ishinde 13%-dy qurady. Ótken aptada búkil halyq boıynsha tumaý jáne JRVI-men syrqattanýshylyqtyń aptalyq epıdemııalyq deńgeıden artýy baıqalmaıdy», - dep jazady komıtet.
Shuǵyl epıdemııaǵa qarsy is-sharalardy qabyldaý maqsatynda 1 jeltoqsannan bastap QR halqynyń jiti respıratorly vırýstyq ınfektsııalarmen jáne tumaýmen syrqattanýshylyǵynyń jaǵdaıyna jáne tumaý vırýsynyń aınalymyna kúndelikti monıtorıng júrgiziledi.
Halyq toptary arasynda syrqattanýshylyq qurylymyn eskere otyryp jáne oqýshylar arasynda JRVI men tumaýmen syrqattanýdyń ósýiniń aldyn alý maqsatynda TQQK aýmaqtyq bólimshileriniń usynymdary boıynsha bilim basqarmalary 10 tárbıeleý jáne bilim berý mekemelerinde, onyń ishinde Shyǵys Qazaqstan oblysynda 3 mektepte, Qostanaı oblysynda 1 mektepte jáne Soltústik Qazaqstan oblysynda 1 balabaqshada, 5 mektepte, onyń ishinde eki mekteptiń jekelegen synyptarynda oqý protsesin ýaqytsha toqtata turý túrinde shekteý is-sharalaryn engizdi
