350 myń tonna aýyl sharýashylyǵy ónimi forvardtyq túrde satyp alynbaq
«Agroónerkásiptik keshen sýbektilerinen shamamen 350 myń tonna aýyl sharýashylyǵy ónimin forvardtyq satyp alý josparlanyp otyr», - dedi mınıstr Úkimet otyrysynda.
Budan bólek ol tyńaıtqyshtar qoldaný kólemin 53 myń tonnaǵa ulǵaıtý jáne olardyń qoldanylýyn ǵylymı negizdelgen qajettiliktiń 25,5 paıyzyna deıin jetkizý josparǵa engizilgenin aıtty.
«Bul rette tuqym sharýashylyǵyn sýbsıdııalaý kólemi 11,8 mlrd teńgeni quraıdy, bul aýyl sharýashylyǵy taýaryn óndirýshiler úshin sapaly tuqymdardyń qoljetimdiligin arttyrýǵa múmkindik beredi. Kóktemgi dala jumystaryn júrgizý barysy erekshe baqylaýǵa alynatyn bolady», - dedi S. Omarov.
Aıta keteıik, Qazaqstanda jalpy egis alańy 86,4 myń gektarǵa ulǵaıyp, 22,7 mln gektardy quraıdy.
Maıly, azyqtyq jáne kókónis-baqsha daqyldarynyń, sondaı-aq qaraqumyq ári qant qyzylshasy sııaqty áleýmettik daqyldardyń alańdaryn ulǵaıtý josparlanyp otyr. Sonymen qatar bıdaı, kúrish jáne maqta sııaqty dara daqyldar men ylǵaldy kóp qajet etetin daqyldar egiletin alqaptar qysqartylady.