350 mln paıda: Bir top adam qoldan ishimdik jasap, eki oblysta satyp kelgen
STEPNOGOR. KAZINFORM - Qarjylyq monıtorıng agenttigi Aqmola oblysy aýmaǵynda jalǵan esepke alý-baqylaý markasyn paıdalana otyryp, sýrrogatty alkogol ónimin zańsyz óndirý faktisin toqtatty.
Stepnogor qalasynyń turǵynynyń basshylyǵymen 6 adamnan turatyn Aqmola jáne Soltústik Qazaqstan oblystarynyń aýmaǵynda sýrrogat alkogol ónimderin satqan bir top adam áshkerelendi.
20 myńnan astam daıyn ónim bótelkeleri jáne 100 myńnan astam bos bótelke, quramynda spırti bar suıyqtyq, spırt, jalǵan esepke alý-baqylaý markalary tárkilendi.
Qylmystyq áreket kezeńinde aqsha aınalymy 350 mln teńgeden asty.
Sot úkimimen is boıynsha aıyptalýshylar qylmystyq jaýapkershilikke tartyldy, qylmystyq jolmen alynǵan múlikti zańdastyrǵan 4,6 mln teńge kólemindegi qarajat memleket kirisine tárkilendi.
