350-den asa eskek esý sheberi Túrkistandaǵy Azııa chempıonatyna qatysatynyn rastady
ASTANA. KAZINFORM — 4-7 maýsym aralyǵynda Túrkistan qalasyndaǵy halyqaralyq esý arnasynda baıdarka men kanoede eskek esýden U18 ben U23 jas sanatynda jáne parakanoeden VI Azııa chempıonaty ótedi.
Sport jáne dene shynyqtyrý isteri komıtetiniń baspasóz qyzmeti Qazaqstan komandalarynyń tolyq tizimin usyndy.
U23 quramy:
Baıdarka — Dinmuhamed Shynqojaev, Dmıtrıı Holmogorov, Egor Krasnonos, Denıs Klenın, Mıhaıl Zatolokka, Dmıtrıı Ladıýkov, Edýard ıArlykov, Gleb Ýdartsev, Anatolıı Rýsakov, Evgenıı Rýsakov, Stella Sýhanova;
Kanoe — Sultan Sharapıev, Polat Tórebekov, Vladıslav Rýdenko, ıÝrıı Gorobov, Tatıana Gladkova, Valentına Trapeznıkova, Elızaveta Masıakına, Marııa Brovkova, Marııa Karmanova, Ýlıana Kıseleva, Rýfına Iskakova;
U18 quramy:
Baıdarka — Nurtilek Iman, Tımofeı Taranov, Davıd Býshlanov, Nıkon Dergýnov, Madııar Kanıken, Alekseı Shırman, Danııl Kolıada, Evelına Kostenko, Zlata Prıadka, Zoıa Prıadka, Alına Emelıanenko, Anastasııa Prıbytkova, Kıra Kaltenberger;
Kanoe — Aslan Sádýaqas, Sofııa Gızenka, Ýlıana Ivanova, Ksenııa Slomınskaıa, Mılana Abdýbaeva, Dáýlet Shaldar, Artýr Mıller, Savelıı Lyjın, Ádilbek Isroılov, Bogdan Nosıkov, Rýslan Fedotov.
Parakanoe — Beıbarys Spataı, Jalǵas Taıkenov, Jańyl Baltabaeva, Maksım Bogatyrev, Marsel Qulbaraqov, Marsel Gýmarov, Meıirjan Armııa, Dinmuhamet Álıakparov, Erbol Hamıtov, Marjan Bılıalova, Erbol Baıyrbekov, Rýfık Tyncharov;
Barlyǵy 58 sportshy.
Bıyl naýryzda Italııada ótken XIV qysqy Paralımpıada oıyndarynyń jeńimpazy Erbol Hamıtov búgin arnaıy klassıfıkatsııadan ótse, ary qaraı lıtsenzııalyq chempıonatyna qatysa alady. Jarys qarsańynda otandasymyz endi jazǵy olımpııa oıyndryna qatar qatysyp, júlde jeńip alýdy kózdeıtinin atap ótti.
Jarys barysynda baıdarka men kanoeden U18 jas sanatynda 22 dıstsıplınada, U23-te 25 dıstsıplınada, al parakanoeden 20 baǵdarlamada júlde sarapqa salynady.
— Búginde chempıonattyń barlyq uıymdastyrý jumysy aıaqtaldy. Keshe baıdarka men kanoeden Azııa qaýymdastyǵy (ACC) ókilderiniń ınspektsııasy sátti ótti. Olar birqatar usynys jasady. Qazir qatysatyn komandalardyń bári derlik Túrkistanǵa jetip, jattyǵyp jatyr. Barlyǵy elimizdiń namysyn 58 sportshymyz qorǵaıdy. Olardyń ishinde eresekter arasynda jarysqa shyǵyp júrgen Stella Sýhanova, Marııa Brovkova syndy tájirıbeli sportshylarymyz bar, — dedi eskek esý sporty túrlerinen QR-nyń Memlekettik jattyqtyrýshysy Dáýlet Sultanbekov.
Aıta keteıik, Qazaqstan sporttyń osy túrinen Azııa chempıonatyn alǵash ret qabyldaıdy. Búginde 17 memleketten 350-den astam eskek esý sheberi qatysatynyn rastady.
Jarys Týrızm jáne sport mınıstrligi, Túrkistan oblysy ákimdiginiń qoldaýymen uıymdastyryp jatyr. Azııa chempıonatyn ótkizý — aldaǵy ýaqytta baıdarka men kanoede eskek esý sportynyń buqaralyq sıpat alýyna, Qazaqstannyń halyqaralyq deńgeıdegi ımıdjin nyǵaıtýǵa septigin tıgizedi.
Chempıonattyń saltanatty ashylý rásimi 3 maýsym saǵat 20:00–de bastalady. Mártebeli qonaqtar arasynda baıdarka men kanoeden Azııa qaýymdastyǵynyń (ACC) prezıdenti Prashant Kýshvaha, respýblıkalyq mańyzy bar qalalar men oblystaǵy sport basqarmalarynyń basshylary qatysady dep josparlanǵan.
Eske sala keteıik, byltyr U18 jáne U23 Azııa chempıonaty jazda Taılandtyń Pattaııa qalasynda 16 eldiń qatysýymen ótken. Qazaqstan komandasy barlyǵy 12 altyn, 12 kúmis pen 7 qola medal jeńip alǵan. Atap aıtqanda, 23 jasqa deıingi sanatta Stella Sýhanova baıdarkada esýden 4 dúrkin chempıon atansa, Sultan Sharapıev (U18) 3 márte altynnan alqa taqty.
Osydan buryn Qazaqstan Qytaıdaǵy baıdarka jáne kanoede eskek esý marafonynda 5 altyn medal jeńip aldy
