35 jylǵa bas boctandyǵynan aıyrylǵan B. Mennıng B. Obamadan keshirim surady
ASTANA. 24 tamyz. QazAqparat - 35 jylǵa sottalǵan Bredlı Mennıng AShQ Prezıdenti Barak Obamadan keshirim surady, dep habarlaıdy 24.kz.
Ol óz hatynda Aq úı basshysynan zańdy elin sheksiz súıgendikten ǵana buzǵanyn moıyndaǵan. B. Mennıngtiń jazýynsha, ol Irak pen Aýǵanstandaǵy amerıkalyq áskerdiń qolynan beıbit turǵyndardyń qaza tapqany qupııa aqparat bolǵanyn, bul rette qolbasshylyq óz qateligi úshin jaýap berýdiń ornyna, ulttyq qaýipsizdikti jeleý etkenin ashyp kórsetken. B. Mennıngtiń bul sózderi onyń taǵdyrynyń ózgerýine qanshalyqty sebi tıetini belgisiz. Biraq sarapshylar men jýrnalısterdiń paıymdaýynsha, B. Obama burynǵy jaýyngerdiń merzimin qysqartýy ábden yqtımal. Esterińizge sala keteıik, Bredlı Mennıng Irakta soǵysta júrgen kezinde Aýǵanstan men Iraktaǵy soǵystar týraly jeti júz myńnan astam qupııa qujattardy WikiLeaks saıty arqyly jarııalap jibergen.
