35 jyldyń ishinde alǵash ret armııa Eýrokomıssııanyń ǵımaratyn kúzetke aldy
ASTANA. QazAqparat - Belgııanyń 300-deı (eki rota) áskerı qyzmetkerleri qazirgi kezde Brıýssel men Antverpendegi Eýrokomıssııa ǵımarattarynyń keshenin, AQSh Elshiligin, sınagogalar men taǵy basqa birqatar nysandardy kúzetke aldy, dep jazady Bı-bı-sı.
Bul 35 jyldyń ishinde bolǵan alǵashqy oqıǵa.
Belgııadaǵy qaýipsizdikti kúsheıtý 7-9 qańtar kúnderi Parıjde ıslamshylardyń Charlie Hebdo jýrnalynyń redaktsııasyna jáne ámbebap dúkenge jasaǵan shabýylynyń saldarynan 17 adam mert bolǵan qaıǵyly oqıǵalardan keıin engizildi.
Belgııadaǵy polıtseılik reıdterdiń barysynda beısenbiden jumaǵa qaraǵan túni lańkestik qyzmetke qatysy bar degen kúdikpen 13 adam ustalǵan.
Belgııanyń Qorǵanys mınıstrliginiń ókilderi áskerdiń polıtsııa men arnaıy qyzmetterdiń is-qımyldary men kóshelerdi torýyldaýyna tartylmaı, «jekelegen ǵımarattar men olardyń ishindegi adamdardy kúzetýmen» aınalysyp júrgenin málimdedi.
