35 jyl jeke qujatsyz júrgen qostanaılyq kýálik aldy

QOSTANAI. QazAqparat – Amangeldi aýdanynyń polıtsııa qyzmetkerleri aýyl turǵynyna jeke qujattaryn alýǵa kómektesti, dep habarlaıdy QazAqparat tilshisi aýdandyq polıtsııa bóliminiń áleýmettik jelidegi paraqshasyna silteme jasap.

Amantoǵaı aýylynyń turǵyny Dúkenbaı Smaǵulov 35 jyldan astam ýaqyt qujatsyz turyp kelgen. Amangeldi aýdandyq polıtsııa bóliminiń ýchaskelik polıtsııa ınspektory D.Qoshpanov pen kóshi-qon qyzmet tobynyń aǵa ınspektory J.Ábdiǵamıdov 56 jastaǵy azamatqa jeke kýálik alýǵa kómektesti.

«Keńes úkimeti kezinde berilgen pasportymdy 1985 jyly joǵaltyp aldym. Sodan beri jeke basymdy kýálandyratyn qujatsyz júrdim. Joǵaltyp alǵan qujatty qaıta qalpyna keltiretin múmkindik bolmady. Polıtsııaǵa ýaqytyly júgine almadym», - deıdi aýyl turǵyny.

Dúkenbaı Smaǵulov kórsetilgen kómek úshin Amangeldi aýdandyq polıtsııa bóliminiń basshysyna alǵys aıtty.