35 jastaǵy oraldyq BQO turǵyndaryn 12 mln teńgege otyrǵyzyp ketken
ORAL. QazAqparat - 35 jastaǵy oraldyq BQO turǵyndaryn 12 mln teńgege otyrǵyzyp ketken, dep habarlaıdy QazAqparat tilshisi.
BQO polıtsııa departamentiniń baspasóz qyzmetinen túsken málimetke qaraǵanda, batysqazaqstandyq 12 turǵyn 1984 jylǵy er adamdy alaıaqtyǵy úshin qylmystyq jaýapkershilikke tartý týraly shaǵym túsirgen.
Atalǵan er adam tutqyndaýly avtokólikterdi arzan baǵaǵa satyp alyp beremin dep, jábirlenýshilerdi aldaǵan. Sóıtip olardyń 12 mln teńgesin jymqyryp ketken.
Qazirgi kezde Oral qalasy polıtsııa basqarmasynyń Abaı polıtsııa bólimi osy oqıǵa boıynsha QR QK 190-baby 2-bóligine sáıkes (alaıaqtyq) tergeý amaldaryn júrgizýde.
Aldanǵandar sany budan kóp bolýy da yqtımal. Sondyqtan ondaı adamdar bolsa, (7112) 98-43-03, 98-45-16 nemese 102 telefonyna habarlasyp, aryzdanýyna bolady.
