35 ustaz sodyrlar tutqynyna túsip qaldy
ASTANA. QazAqparat - Qandaǵarda ýnıversıtettiń 35-ten astam ustazy tutqynǵa túsip qaldy, dep habarlady sheteldik BAQ Aýǵanstan bıligine silteme jasap.
Kabýlǵa bet alǵan oqytýshylar mingen avtobýsty el astanasyna shyǵysqa qaraı ornalasqan Gaznı ólkesinde qarýly belgisiz adamdar toqtatqan. Jergilikti bılik aqparattaryna qaraǵanda, el aqsaqaldary Tálib qozǵalysynyń ókilderimen ustazdardy bosatý úshin kelissózder júrgizýde. Al qozǵalys baspasóz hatshysynyń habarlaýynsha, ustazdardyń tutqynǵa túsýi jaıyndaǵy aqparat tekserilýde.
