35 myńǵa jýyq qazaqstandyq magıstratýraǵa túsý úshin emtıhan tapsyrdy

NUR-SULTAN. QazAqparat - Testileý bastalǵaly 35 myńǵa jýyq adam magıstratýraǵa túsý úshin emtıhan tapsyrdy. Olardyń 45%-ǵa jýyǵy shekti ball jınady. Bul týraly QazAqparat Ǵylym jáne joǵary bilim mınıstrliginiń baspasóz qyzmetine silteme jasap habarlaıdy.

Ortasha kórsetkish – 72 ball. Bir qatysýshy maksımaldy 150 baldyń140-yn jınady. Testileý bastalǵaly 265 qatysýshynyń nátıjesi joıyldy. Onyń ishinde144 oqýǵa túsýshi smartfon, shpargalka jáne basqa da tyıym salynǵan zattardy alyp ótýge tyrysqany úshin test tapsyrý múmkindiginen aıyryldy.

Keshendi testileý kezinde erejelerdi buzǵany úshin aýdıtorııadan 117 adam shyǵarylyp, olardyń nátıjeleri joıyldy. Sonymen qatar postproktorıng qorytyndysy boıynsha 4 adamnyń nátıjesi joıyldy. Olar emtıhan materıaldaryn sýretke túsirip, aýdıtorııadan alyp shyǵýǵa tyrysqan.

Ulttyq biryńǵaı testileýdegi sekildi Keshendi testileýge kirgizý úshdeńgeıli júıe boıynsha júzege asyrylady: Face ID jeke basyn sáıkestendirý arqyly, jeke kýálik boıynsha, sondaı-aq otyrǵyzý ornynda jeke basyn sáıkestendirý júrgiziledi. Qabyldanǵan is-sharalar arqasynda testileýdiń birinshi aptasynda kirgizý kezinde 4 bógde tulǵa anyqtaldy. ıAǵnı, qatysýshylar ózderiniń ornyna basqa adamdy jiberip, testileýden ótpek bolǵan. Tıisti sharalar qabyldandy. Keshendi testileýdiń ekinshi aptasynda bundaı ereje buzýshylyqtar anyqtalǵan joq.

«Osy aptada azamattyq emes joǵarǵy oqý oryndary, atap aıtsaq Joǵarǵy Sot janyndaǵy Sot tóreligi akademııasy, QR BP janyndaǵy Quqyq qorǵaý organdary akademııasy, QR ІІM akademııasy, QR TJM M. Ǵabdýllın atyndaǵy azamattyq qorǵaý akademııasyna túsýge tirkelý aıaqtaldy. Osy sanattaǵy oqýǵa túsýshiler úshin shet tilinen túsýemtıhany 6 tamyzda ótedi»,– dedi QR Ǵylym jáne joǵary bilimmınıstrligi Ulttyq testileý ortalyǵynyń dırektory Rýslan Emelbaev.

Esterińizge sala ketsek, magıstratýraǵa túsýge arnalǵan keshendi testileýge 46 myńnan astam ótinish kelip tústi. Bul ótken jylmen salystyrǵanda 6 myńǵa kóp. Magıstratýrada oqýǵa 13 myńnan astam grant bólindi. Bıyl magıstratýraǵa túsýge arnalǵan keshendi testileý 20-shildede bastaldy jáne 10-tamyzǵa deıin jalǵasady.

Keshendi testileý úsh bloktan turady: shet tili boıynsha test, oqýǵa daıyndyǵyn anyqtaýǵa arnalǵan test jáne bilim berý baǵdarlamalary tobynyń beıini boıynsha test. Shet tilin meńgergenin rastaıtyn halyqaralyq sertıfıkattardyń biri bar oqýǵa túsýshiler shet tili boıynsha testten bosatylady.

Testileý nátıjelerimen kelispegen jaǵdaıda onlaın-apellıatsııaǵa berý múmkindigi qamtamasyz etilgen. Testileý aıaqtalǵannan keıin 30 mınýt ishinde oqýǵa túsýshi birden apellıatsııaǵa ótinish bere alady. Apellıatsııa bes kún ishinde qaralady. Testileý sertıfıkaty oqýǵa túsýshiniń jeke kabınetinde qoljetimdi bolady.

Bıyl shekti baldar ózgerissiz qaldy: ǵylymı-pedagogıkalyq baǵyt boıynsha magıstratýraǵa túsý úshin 75 ball, beıindik baǵyt boıynsha 50 ball jınaý qajet.