3,5 mln qorap temekini Qazaqstan-Qyrǵyzstan shekarasynan ótkizbek bolǵandar ustaldy

ASTANA. KAZINFORM – Zańsyz júkti Qazaqstan-Qyrǵyzstan shekarasynan alyp ótpek bolǵandar «Aısha bıbi» ótkizý pýnktinde ustaldy.  

Taýarǵa ilespe qujattardyń málimetteri boıynsha avtokólikter Qyrǵyzstannan Túrkııaǵa tranzıtpen ótip, tasymaldaǵan.

Tekserý barysynda 3,5 mıllıonnan asa qorap temeki (Milano, Cavallo, Platinum, Taj) anyqtaldy. Іs júrgizý sheshimin qabyldaý úshin, barlyq materıal Jambyl oblysy boıynsha Ekonomıkalyq tergeý departamentine berildi. 

MKK óńirde naýryz aıynda QR QM Memlekettik kirister komıteti men QR UQK Shekara qyzmetiniń júkterdi zańsyz tasymaldaýdyń jolyn kesý boıynsha birlesken jedel-aldyn alý is-sharalary ótkenin habarlaıdy.

5 naýryzda Qyrǵyzstannan jolaýshylarsyz kele jatqan úsh jolaýshy avtobýsynyń birlesken tekserýleriniń nátıjesinde olardyń júk bólimderinde 8 myńnan astam halyq tutynatyn ónimder tabyldy. Taýarlardyń ilespe qujaty bolmaǵan.