3,5 myńnan astam úmitker doktorantýraǵa túsýge ótinish berdi
ASTANA. KAZINFORM — 11 shilde men 3 tamyz aralyǵynda doktorantýraǵa túsý emtıhanyna ótinish qabyldandy.
Ulttyq testileý ortalyǵynyń málimetinshe, emtıhandy 3 577 úmitker tapsyrady.
Túsý emtıhanynyń KÚNІ, ÝAQYTY, ORNY týraly aqparat talapkerdiń testcenter.kz saıtyndaǵy jeke kabınetinde «Meniń is-áreketim» bóliminde jarııalanǵan.
Emtıhanǵa qatysý quny — 21 072 teńge.
TOEFL ITP sertıfıkaty bar tulǵalar emtıhan bastalǵanǵa deıin aǵylshyn tilin bilýge arnalǵan qosymsha testileýdi (qosymsha testileý) tapsyrady.
Qosymsha testileýdi ótkizý orny men ýaqyty týraly aqparat 5 tamyzda talapkerdiń jeke kabınetinde qoljetimdi bolady. Qosymsha testileýge qatysý quny — 14 162 teńge.
Túsýshiler mindetti túrde QAZTEST sertıfıkatyn jáne shet tilin meńgergenin rastaıtyn sertıfıkat usynýy kerek.
2024 jyly shet tilin meńgergenin rastaıtyn sertıfıkattardyń shekti deńgeıi B1-ge deıin tómendetildi jáne tizimge TOEIC jáne Duolingo English Test sertıfıkattary engizildi.
Doktorantýraǵa «magıstr» dárejesi jáne keminde 9 (toǵyz) aı eńbek ótili bar nemese medıtsına mamandyqtary boıynsha rezıdentýrada oqý bitirgen adamdar qabyldanady.
Memlekettik bilim berý tapsyrysy boıynsha jáne aqyly negizde doktorantýraǵa túsý úshin shekti ball — 75 ball.