3,5 myńǵa jýyq turǵyn úı áli de sý astynda qalyp otyr
ASTANA. KAZINFORM — Óńirlerge qoldaý kórsetý jáne sý tasqyny saldaryn barynsha azaıtý jumystary táýlik boıy júrgiziledi. 8 óńirde tótenshe jaǵdaı rejımi jalǵasyp jatyr. Bul týraly QR Úkimetiniń baspasóz qyzmeti málimdedi.
3,5 myńǵa jýyq jekemenshik úı sý astynda qaldy.
67 eldi meken kólik qatynasynsyz qalyp otyr.
Kúshter men tehnıkanyń qosymsha toptary jasaqtaldy. Qıyn jaǵdaıǵa tap bolǵan óńirlerge kómek kórsetý úshin ońtústik óńirlerden áskerı qyzmetshiler jumyldyryldy. Sonymen qatar birqatar oblystarda keltirilgen zalaldy esepteý boıynsha óńirlik komıssııalar jumys istep jatyr.
Vıtse-premer, Sý tasqynyna qarsy is-sharalardy úılestirý jáne sý tasqyny saldaryn joıý jónindegi respýblıkalyq shtab meńgerýshisiniń orynbasary Qanat Bozymbaev atap ótkendeı, tıisti komıssııalar jumysy aıaqtalǵannan keıin turǵyn úılerdi jóndeýge jáne salýǵa ótemaqy tóleı bastaıdy.
Sý tasqynynan zardap shekkenderdiń basqa da múlki men mal shyǵynyn óteý máseleleri jaqyn arada sheshimin tabady.
