35 mektepte Nazarbaev Zııatkerlik mektepteriniń tájirıbesi taratyla bastaıdy - mınıstr
ASTANA. 11 qyrkúıek. QazAqparat - Nazarbaev Zııatkerlik mektepteriniń tájirıbesin taratý 35 mektepte bastalady.
Bul týraly búgin Úkimet otyrysynda «Oqýshylardyń fýnktsıonaldy saýattylyǵyn damytý jónindegi 2012-2016 jyldarǵa arnalǵan Ulttyq is-qımyl josparynyń oryndalý barysy týraly» baıandama jasaǵan QR Bilim jáne ǵylym mınıstri Baqytjan Jumaǵulov aıtty.
Elimizde oqýshylar men muǵalimderdiń sýbektilik rólin damytýǵa baǵyttalǵan jańa pedagogıkalyq tehnologııalardy engizý bastalǵandyǵyn basa aıtqan mınıstr: «Osy oraıda, barlyq bilim júıesinde Nazarbaev Zııatkerlik mektepteriniń tájirıbesin taratýdyń mańyzy zor. Bul jumys eń aldymen 35 ilki mektepten bastalady. Kembrıdj ýnıversıtetimen birlesip ázirlengen oqý baǵdarlamalary, josparlar men ádistemeler engiziledi», - dedi.
B.Jumaǵulovtyń paıymynsha, osylaısha Qazaqstanda 12 jyldyq oqytýdyń metodologııasy men onyń mazmunynyń negizi qalanatyn bolady.
