35 gradýstyq aptap ystyqtan keıin jaýǵan nóserden Astana joldaryn sý alyp ketti
ASTANA. 28 maýsym. QazAqparat - Astanada kópten kútken jańbyr jaýyp, onymen kúresýge astananyń kárizdik qurylǵylarynyń da shamasy kelmeı qaldy.
Sársenbi, 27 maýsym kúni saǵat 19:40-ta Astananyń oń jaǵalaýynan sol jaǵalaýǵa ótken qatty nóser bastaldy. Kópten kútken jańbyr sýy sońǵy aptalarda bolǵan 35 gradýstyq ystyqtan keıin avtojoldar men jaıaý júrginshiler joldaryn basyp qaldy.
10-15 metr qashyqtyqta eshteńe kórinbedi, bul astanalyq júrgizýshilerdiń jumysyn aýyrlatty. Jumys kúniniń aıaǵynda astanalyqtarǵa aıaldamalarǵa jetýdiń ózi qıynǵa soqty. Sý deńgeıi tizege deıin jetti, káriz qudyqtary sanaýly mınýttarda sýǵa toldy. Kýágerler qalalyq kommýnaldyq qurylǵylardyń sýdyń osyndaı kólemimen kúresýge shamasynyń kelmeıtinine kózderi jetti.
Jalpy alǵanda, qalalyqtar qolaısyz aýa raıynan qutylyp, kópten kútken ylǵalǵa toly taza aýaǵa qýanysyp ta jatyr.
