35 gradýs ystyq: Qazgıdromet 4 shildege arnalǵan aýa raıy boljamyn jarııalady

Astanada jańbyr, naızaǵaı, kúndiz burshaq pen daýyl kútiledi. Batystan, ońtústik-batystan soǵatyn jeldiń ekpini kúndiz 15-20 m/s bolady.

Almatyda kúndiz qysqa merzimdi jańbyr jaýyp, naızaǵaı oınaıdy, daýyl soǵady. Batystan soǵatyn jeldiń ekpini kúndiz 15-20 m/s-qa jetedi.

Shymkentte qysqa merzimdi jańbyr men naızaǵaı kútiledi. Ońtústik-batystan soǵatyn jeldiń ekpini 15-20 m/s bolady.

Abaı oblysynyń shyǵysynda, ońtústiginde jáne ortalyǵynda jańbyr jaýyp, naızaǵaı oınaıdy, kúndiz oblystyń soltústiginde azdaǵan jańbyr jaýady. Batystan, soltústik-batystan soǵatyn jeldiń ekpini túnde shyǵys, ońtústik jáne ortalyqta 15-20 m/s, ekpini 23 m/s-qa deıin jetedi, kúndiz soltústikte 15-20 m/s bolady. Kúndiz aýa temperatýrasy 35 gradýsqa deıin kóteriledi. Oblysta tótenshe órt qaýpi saqtalady.

Atyraý oblysynda kúndiz aptap ystyq 35 gradýsqa deıin jetedi. Oblystyń batysynda joǵary, ońtústiginde joǵary órt qaýpi saqtalady.

Aqtóbe oblysynyń shyǵysy men soltústik-shyǵysynda azdaǵan jańbyr men naızaǵaı kútiledi. Túnde jáne tańerteń oblystyń ońtústigi men shyǵysynda tuman túsedi.

Almaty oblysynyń ońtústigi men taýly aýdandarynda túnde jańbyr jaýyp, naızaǵaı oınaıdy, keı jerlerde qatty jańbyr kútiledi. Kúndiz de jańbyr, naızaǵaı, burshaq jáne daýyl bolady. Batystan, soltústik-batystan soǵatyn jeldiń ekpini 15-20 m/s, keı ýaqytta 23-28 m/s-qa deıin kúsheıedi. Oblystyń soltústigi men shyǵysynda tótenshe órt qaýpi saqtalady.

Aqmola oblysynda jańbyr, naızaǵaı, kúndiz oblystyń batysynda, soltústiginde jáne ońtústiginde qatty jańbyr, burshaq jáne daýyl kútiledi. Túnde jáne tańerteń oblystyń soltústik-batysynda tuman túsedi. Jeldiń ekpini keı ýaqytta 25 m/s-qa deıin jetedi. Oblystyń shyǵysy men ortalyǵynda tótenshe órt qaýpi saqtalady.

Shyǵys Qazaqstan oblysynyń batysynda, soltústiginde jáne ońtústiginde túnde jańbyr, naızaǵaı kútiledi. Kúndiz oblystyń ońtústigi men shyǵysynda jańbyr jaýyp, naızaǵaı oınaıdy, burshaq túsedi. Túnde soltústikte tuman kútiledi. Jeldiń ekpini 15-20 m/s, keı jerde 23 m/s-qa deıin jetedi. Oblystyń shyǵysy men ońtústiginde joǵary, soltústik-batysy men ortalyǵynda tótenshe órt qaýpi saqtalady.

Jambyl oblysynyń ońtústik-batysynda, soltústik-shyǵysynda jáne taýly aýdandarynda jańbyr, naızaǵaı kútiledi. Taýly jerlerde qatty jańbyr, burshaq jáne daýyl bolady. Jeldiń ekpini 15-20 m/s. Oblystyń batysynda, soltústiginde jáne ońtústiginde joǵary, soltústik-shyǵysynda tótenshe órt qaýpi saqtalady.

Jetisý oblysynyń ońtústiginde, shyǵysynda jáne taýly aýdandarynda jańbyr, naızaǵaı kútiledi. Taýly jerlerde qatty jańbyr jaýyp, burshaq túsedi. Túnde jáne tańerteń taýly jáne taý bókterindegi aýdandarda tuman bolady. Jeldiń ekpini 15-20 m/s, Alakól kólderi mańynda 23-28 m/s-qa deıin kúsheıedi. Oblysta tótenshe órt qaýpi saqtalady.

Batys Qazaqstan oblysynda kúndiz aýa temperatýrasy 35 gradýsqa deıin kóteriledi.

Qaraǵandy oblysynyń batysy men soltústiginde túnde azdaǵan jańbyr jaýyp, naızaǵaı oınaıdy. Kúndiz oblystyń soltústiginde, shyǵysynda jáne ońtústiginde jańbyr men naızaǵaı kútiledi. Jeldiń ekpini 15-20 m/s. Soltústikte joǵary, batysynda tótenshe órt qaýpi saqtalady.

Qostanaı oblysynyń batysynda, soltústiginde jáne shyǵysynda jańbyr, naızaǵaı, keı jerlerde qatty jańbyr, kúndiz burshaq pen daýyl kútiledi. Túnde jáne tańerteń oblystyń soltústigi men shyǵysynda tuman túsedi. Jeldiń ekpini 15-20 m/s.

Qyzylorda oblysynyń ortalyǵynda, soltústiginde jáne shyǵysynda tańerteń jáne kúndiz jańbyr, naızaǵaı jáne daýyl kútiledi. Jeldiń ekpini 15-20 m/s. Ortalyqta tótenshe, shyǵysynda joǵary órt qaýpi saqtalady.

Mańǵystaý oblysynyń soltústik-shyǵysy men ortalyǵynda túnde jáne tańerteń tuman kútiledi.

Pavlodar oblysynyń soltústiginde, ońtústiginde jáne shyǵysynda jańbyr, naızaǵaı, burshaq jáne daýyl bolady. Jeldiń ekpini 15-20 m/s. Oblystyń batysy men ońtústiginde joǵary, ońtústik-shyǵysynda tótenshe órt qaýpi saqtalady.

Soltústik Qazaqstan oblysynda jańbyr, naızaǵaı, oblystyń batysynda, soltústiginde jáne ońtústiginde qatty jańbyr, burshaq jáne daýyl kútiledi. Túnde jáne tańerteń tuman túsedi. Jeldiń ekpini keı jerde 25 m/s-qa deıin jetedi.

Ulytaý oblysynyń shyǵysynda kúndiz jańbyr men naızaǵaı, soltústiginde, ońtústiginde jáne ortalyǵynda azdaǵan jańbyr jaýady. Túnde jáne tańerteń oblystyń batysy men soltústiginde tuman kútiledi. Jeldiń ekpini 15-20 m/s. Oblystyń ońtústiginde tótenshe órt qaýpi saqtalady.

Túrkistan oblysynyń batysynda, ońtústiginde jáne taý bókterinde jańbyr, naızaǵaı kútiledi. Taýly aýdandarda qatty jańbyr, burshaq jáne daýyl bolady. Oblystyń batysy men soltústiginde shańdy daýyl kútiledi. Jeldiń ekpini 15-20 m/s. Oblystyń barlyq aýmaǵynda joǵary, al batysynda, soltústiginde jáne ońtústiginde tótenshe órt qaýpi saqtalady.

Aıta keteıik, «Qazgıdromet» turǵyndardy aýa raıynyń qolaısyzdyǵyna baılanysty qaýipsizdik sharalaryn saqtaýǵa shaqyrdy.