35 500 AQSh dollaryn shekaradan zańsyz alyp ótpek bolǵan Reseı azamaty ustaldy
ASTANA. 22 qarasha. QazAqparat - Saryaǵash shekara otrıadyna qarasty «B.Qonysbaev kólik» ótkizý beketinde Reseı Federatsııasynyń azamaty deklaratsııalanbaǵan valıýta áketip bara jatqan jerinen ustaldy.
Bizdiń elden Ózbekstanǵa «Hıýndaı» avtokóligimen ótip bara jatqan reseılik azamattyń sómkesin teksergen kezde 35 500 AQSh dollary tabylǵan.
Sondaı-aq qazaq-qyrǵyz baǵytyndaǵy «Qordaı» shekara otrıadynyń narıady salmaǵy eki jarym tsentnerden asatyn halyq tutynatyn taýarlardy Qyrǵyz elinen bizge qaraı ótkizbekshi bolǵan 2 qyrǵyz azamatyn qolǵa túsirdi.
Atalǵan derekter boıynsha tergeý amaldary júrgizilýde, dep habarlady QR UQK ShQ baspasóz qyzmetinen.
