341 mln teńge jymqyrǵan: Almaty qalalyq emhanasynyń býhgalterleri sottaldy

ALMATY. KAZINFORM - Almaty qalasy Medeý aýdanynyń soty qalalyq emhananyń býhgalterleri K.Hangıreeva men A.Týǵanbaevaǵa qatysty úkim shyǵardy.

Olar aýrýhanada is júzinde eńbek qyzmetin júzege asyrmaǵan adamdarǵa jalaqyny jáne basqa da tólemderdi zańsyz aýdarý arqyly 341 mln teńgeden astam somada bıýdjet qarajatyn jymqyrǵan.

«Sot úkimimen bas býhgalter Hangıreevaǵa 7 jyl 6 aı bas bostandyǵynan aıyrý jazasy taǵaıyndaldy.

Onyń qaramaǵyndaǵy qyzmetker Týǵanbaeva 7 jylǵa bas bostandyǵynan aıyryldy», — dep málimdedi Antıkordan.

Úkim zańdy kúshine engen joq.