340 júrgizýshi rólge iship otyrǵany úshin jazalandy - Almaty oblysy
Oblystyq polıtsııa departamenti baspasóz qyzmetiniń málimetinshe, jol qozǵalysy erejelerin jaıaý júrginshiler de kóp buzǵan. Olarǵa qatysty 9310 ákimshilik hattama toltyryldy.
Al, kólik júrgizýshileriniń basym bóligi aldyńǵy terezege qarańǵylaıtyn qabyrshaq japsyrǵany úshin jaýapqa tartyldy. Olardyń sany - 5 myń. Zańmen tyıym salynǵanyna qaramastan, jolda júrip kele jatyp, telefondy qoldanǵan 3 myń júrgizýshi aıyppul arqalady.
Sonymen qatar, 340 júrgizýshi kólikti alkogoldi ishimdik iship júrgizgeni úshin jazalandy. Olardyń isi sotta qaralyp, zań aıasynda qatań sharalar qabyldandy - júrgizýshi kýáliginen aıyrý jáne ákimshilikke qamaýǵa alý.
«Óńirde avtokólik qatary kóbeıýine baılanysty polıtsııa tarapynan baqylaý kúsheıtildi. Jol qozǵalysyna qatysýshylar, meıli ol kólik júrgizýshisi bolsyn, meıli jaıaý júrginshi bolsyn, qaýipsizdik talaptaryn saqtaýy tıis. Jolda júrý erejeleri qatań saqtalatyn bolsa, jol-kólik oqıǵalary da azaıady. Osy arqyly adamdardyń jol apatynan zardap shegýin qysqartamyz», - deıdi Almaty oblystyq PD ÁPB ákimshilik praktıkasynyń bastyǵy Saıat Ibraımov.
Eske sala keteıik, Almatyda mas júrgizýshiniń kesirinen bes kólik soqtyǵysqan bolatyn.