34 jyl túrmede ólim jazasyn kútip otyrǵan er adam aqtalyp shyqty
ASTANA. QazAqparat - Japonııada qamaýda otyrǵandardyń ishinde aty áıgili 78 jasar Ivao Hakamada ólim jazasyna kesilgender kamerasynda 35 jyldaı otyryp, bostandyqqa shyqty.
1968 jyly oǵan tórt adamdy óltirdi degen aıyppen ólim jazasy kesilgen. Japondyq azamat qylmys jasamaǵandyǵyn dáleldaý úshin baqandaı jarty ǵasyr ótti, dep habarlady Kyodo News.
Ivao Hakamada temir torda 48 jyl otyrdy, onyń 34 jylyn ólimin kútýmen ótkizdi. Nátıjesinde Sıdzýoka qalasynyń okrýgtik soty qylmyskerge taǵylǵan aıypty jalǵan dep tanydy. Bılik Ivao Hakamadany ólim jazasyna kesken úkimniń kúshin joıyp, isti qaıta qaraýǵa qaýly shyǵardy. Al ózin bostandyqqa shyǵardy.
