34 myńǵa jýyq qazaqstandyq «QazTransOıl» AQ-nyń 8 paıyz aktsııasynyń ıesi atandy

QR Premer-Mınıstri resmı saıtynyń habarlaýynsha, bul týraly atalǵan ulttyq kompanııa bas dırektorynyń orynbasary Bolat Zakırov qundy qaǵazdardyń qaıtalama naryǵyndaǵy QTO aktsııalarynyń aınalymy men ózekti máselelerine jáne "Halyqtyq IPO" baǵdarlamasy perspektıvalaryna arnalǵan dóńgelek ústel barysynda málim etken.

"Barlyq ornalastyrylǵan aktsııalardy bekitilgen qurylymǵa sáıkes qortyndy bólý sońynda mynadaı jaǵdaıdy qalyptastyrdy: "QazMunaıGaz" AQ aktsııalardyń 90 %-na ıe, Qazaqstannyń 33 myń 989 azamaty menshigine 8% aktsııalardy aldy, 10 zeınetaqy qory 2%-dan astam aktsııany jáne 0,05%-dy market-meıkerler aldy", - dedi B.Zakırov.

Kompanııa basshysy orynbasarynyń aıtýynsha, satý kólemi boıynsha QTO aktsııalary KASE-de kóshbasshylar bolyp tabylady.

"QazTransOıldyń" IPO qazirdiń ózinde jaǵymdy áser berdi: qazaqstandyqtardyń ekonomıka ınvestıtsııalaryna senim artýy, elimizdiń qor naryǵynda ınvestorlar sanynyń artýy. Kompanııa úshin aktsııalardy ornalastyrý ınvestıtsııalyq jobalarǵa qosymsha qarjylandyrýdy tartýǵa múmkindik berdi, áriptesterimizdiń kóbisi kompanııa aktsıonerleri bolyp, dıvıdentterdi alý arqyly óz jumysynyń nátıjesin sezine aldy", - dep atap ótti B. Zakırov.