"Eýrovıdenıe» ótetin Ýkraına qalasy 1 tamyzda belgili bolady

«Eýrovıdenıe» ótetin qalany búgin jarııalamaımyz. Jospar boıynsha, 1 tamyzda belgili bolady», - dep atap ótti Dotsenko.

Buǵan deıin «Eýrovıdenıe-2017» ótkizý quqyǵyna ıe Ýkraına qalalarynyń tizimi 27 shilde kúni jarııalanady dep boljanǵan edi. Biraq, Dotsenkonyń aıtýynsha, «tehnıkalyq aqaýlar» týyndaǵan sekildi. «Taǵy da qaıtalaımyz: úmitker qalalar óte myqty jáne bizge biraz ýaqyt kerek», - dedi ol.

«Eýrovıdenıe-2017» baıqaýyn ótkizý úshin Ýkraınanyń alty qalasy talasty - Odessa, Harkov, Herson, Dnepr (burynǵy Dnepropetrovsk), Kıev jáne Lvov. Qalalar konkýrsynyń fınalyna Odessa, Kıev jáne Dnepr qalalary shyqty. Jaqyn kúnderi jastar jáne sport mınıstri Igor Jdanov baıqaýdy ótkizýge Kıev qalasy men astanalyq sport saraıy tańdalsa, sahna daıyndaýda biraz qıyndyqtar týyndaıtynyn aıtty. Sebebi, «Eýrovıdenıe» ótetin merzimde Kıevtegi astanalyq sport saraıynda hokkeı boıynsha álem Chempıonaty ótedi jáne «Eýrovıdenıege» sahna men alań daıyndaýǵa óte az ýaqyt bólinýi múmkin".

Bıylǵy  14 mamyr kúni Shvetsııa astanasynda ótken «Eýrovıdenıe-2016» saıysynda «1944» ánimen ýkraınalyq Djamala jeńiske jetken edi. Sol sebepti, Ýkraına kelesi jylǵy baıqaýdy ótkizý quqyǵyna ıe boldy.