34 avtokólik, penthaýs, jer ýchaskesi tárkilendi: 290 adam mıllıardtarǵa aldanǵan

ASTANA. KAZINFORM – Prokýratýranyń úılestirýimen Almaty qalasynyń Polıtsııa departamenti aıyptalýshy men onyń bóliske túsken 12 týystaryna qatysty asa iri kólemdegi alaıaqtyq faktisi boıynsha tergeýdi aıaqtady.

Aıyptalýshy messendjerlerde hat-almasý chaty arqyly Qytaıdyń, Ózbekstannyń jáne Reseıdiń zaýyttarymen tikeleı jumys isteıtinin, sondyqtan onyń ydys-aıaq, jıhaz jáne úıge arnalǵan basqa da kerek-jaraqtar baǵasy tómen ekenin aıtqan. Alaıda is júzinde qylmystyq shemany jasyrý maqsatynda Almaty bazarlarynan ózi shyǵynǵa ushyraı otyryp taýar satyp alǵan.

— Atalǵan shyǵyndardy qatysýshylar 6 aıdan 12 aıǵa deıin kúttirte otyryp kóterme tapsyrystarmen ótegen. Qatysýshylar qymbat avtokólikterdi, páterlerdi, úılerdi, jerlerdi, kıimderdi, saıahattardy satyp alýǵa, sondaı-aq býkmekerlik keńselerde aqsha tigýge qarajat jumsaǵan. Tergeý barysynda 34 avtokólik, 2 páter, 1 penthaýs, jer ýchaskesi bar 2 turǵyn úıge tyıym salyndy. Elimiz boıynsha Almatydan bastap Saran qalasyna deıin 4,6 mlrd teńge somasyna 290 adam qylmystyń qurbany bolǵan, — delingen prokýratýra habarlamasynda.

Prokýratýra qylmystyq isti sotqa joldady.

QK-niń 190-baby 4-bóliginiń 2)-tarmaǵy (asa iri mólsherdegi alaıaqtyq) boıynsha qylmystyq jaýaptylyq 10 jylǵa deıin bas bostandyǵynan aıyrýdy kózdeıdi. 

Aıta ketelik Almatyda memlekettik ýchaskelerge qatysty alaıaqtyq shemasy áshkerelengen edi.