337 myń kıik aýlanady – Ekologııa mınıstrligi

Elimizde kıik sany 2 mln 600 myńǵa jetti. Bul týraly Ekologııa jáne tabıǵı resýrstar mınıstri Erlan Nysanbaev aıtty, dep habarlaıdy Kazinform.

«Búginde kıikterdiń sany tarıhı kórsetkishten asyp ketti. Sol sebepti kıik sanyn retteý qolǵa alynyp otyr. 2003 jyly kıik sany bar-joǵy 21 myń boldy. Al 1993 jyly 1 mln 200 myń bas bar edi. Memlekettiń qamqorlyǵynyń arqasynda kıik sanyn 1 mln 900 basqa jetti. Munyń ishine bıylǵy kóktemgi tólin qospadyq. Jalpy, kıik ósimtal mal. Kelesi kóktemde sanaq ótedi. Biraq, qazirdiń ózinde eń tómengi 30 paıyzdyq boljamdy alǵannyń ózinde búginde 600 myń bas kıik qosylyp otyr. Búginde kıik sany 2 mln 600 myńnyń ústinde bolady», - dedi mınıstr Ortalyq kommýnıkatsııalar qyzmetindegi baspasóz máslıhatynda.

Onyń dereginshe, Batys Qazaqstan oblysynda Oral popýlıatsııasynyń 300 myńy ǵana tirshilik ete alady. Jalpy tarıhı turǵyda Oral popýlıatsııasy óte az bolǵan. Al búginde 1 mln 130 myń basqa jetip otyr. Betpaqdala popýlıatsııasy 800 myńnan asady.

«Sol sebepti bıologııalyq negizdemege sáıkes 337 myń bas kıikti retteýimiz kerek», - dedi Erlan Nysanbaev.