332 kirme jáne magıstraldyq temirjol memleketke qaıtaryldy

NUR-SULTAN. QazAqparat – 332 kirme jáne magıstraldyq temirjol memleketke qaıtaryldy, dep habarlaıdy QazAqparat tilshisi.

«Qazir jekeshelendirý, memlekettik aktıvterdi olıgopolııalardyń paıdasyna ıelikten shyǵarý týraly 8 myńǵa jýyq Úkimet aktilerin jáne sot sheshimderin prokýratýra organdary zerdelep jatyr. Olardyń keıbireýleri boıynsha prokýrorlyq den qoıý sharalary qabyldandy jáne nátıjeleri bar. Mysaly, Úkimettiń qaýlysy men sottardyń sheshimderi boıynsha jeke fırma 629 temirjoldy aqysyz alǵan. Bul tasymaldaýshylar úshin tarıftiń 10 ese ósýine ákeldi. Sheshimderge narazylyq keltirildi, 332 kirme jáne magıstraldyq temirjol (qalǵandary boıynsha revızııa jalǵasýda) memleketke qaıtaryldy», - delingen Ekonomıkalyq resýrstardyń zańsyz shoǵyrlanýyna qarsy is-qımyl máseleleri jónindegi komıssııa taratqan aqparatta.