33 jyl buryn jubaıyn jalǵyz qaldyrǵan azamattyń jazasy aýyr boldy
ASTANA. QazAqparat - Er-Rııad (Saýd Arabııasy) qalasynyń soty 1983 jyly jubaıyn tastap ketken azamatty aıypty dep taýyp, áıeliniń jalǵyzdyqta ótkizgen 33 jyly úshin ótemaqy tóleýi tıis degen sheshim shyǵardy, dep habarlady www.muslim.kz.
Aıyptalýshy osydan 33 jyl buryn uly dúnıege kele salysymen olardy tastap ketken kórinedi.
«Kúıeýi otbasyna 1983 jyldan bastap eshqandaı qarjylyq járdem kórsetpegen. Habar-osharsyz ketken kúıeýin tapqan jubaıy endi odan jalǵyzdyqpen ótkizgen jyldarynyń qarjylaı ótemaqysyn talap etip otyr. Azamatsha sot otyrysyna kúıeýiniń 33 jyl buryn tastap ketkenin, óziniń osy jyldar ishindeı eshqandaı qarjylaı járdem almaǵanyn rastaıtyn eki kýáger ertip kelgen», - delingen arab eliniń gazetteriniń birine silteme jasaı otyryp «ál-Arabııa» arnasy habar taratqan.
Sot aıyptalýshynyń aılyq jalaqysy 80 000 rıal ekenin eskere otyryp, áıeline 1,53 mln rıal ótemaqy (400 000 dollar) tóleýge mindettegen. Al, ákesiz ósken ulyna 1.34 mln rıal tóleýi tıis.
