33 jastaǵy er adam 224 býma esirtkimen ustaldy
Patrýldik polıtsııa qyzmetkerleri onyń kóligin toqtatqan kezde, odan esirtkiler tabyldy. Inspektorlar jol erejesin buzǵan er adamǵa ákimshilik hattama toltyryp jatqanda, ol qobaljyp turdy. Keıin kóligin tintý barysynda belgisiz býmalar anyqtalǵan.
«Tintý barysynda belgisiz zattar salynǵan 224 býma tabyldy. Olar tárkilenip, qylmystyq is materıaldaryna tirkeldi. Olardyń shyǵý tegi men tıesiligi sot-hımııalyq saraptamamen anyqtalady.
Kúdikti ózin qorǵaý maqsatynda shópti ınternet-dúkennen jeke paıdalaný úshin satyp alǵanyn aıtty. Degenmen, mundaı kólemdegi esirtkiniń saýdaǵa arnalǵany týraly kúdik bar. Biz bul jaǵdaıdy jedel tekseretin bolamyz»,- dedi Almaty qalasy polıtsııa departamentiniń Esirtki qylmysyna qarsy kúres basqarmasynyń bastyǵy Erlan Álmaǵambetov.