33 mln teńge para alǵan ákim orynbasary 73,4 mln teńge aıyppul tóleıdi

TALDYQORǴAN. QazAqparat - Almaty oblysynda 33 mln teńge para aldy dep aıyptalǵan Qarasaı aýdany ákiminiń orynbasary iri kólemde aıyppul tóleıtin boldy. Sot sheshimine sáıkes, endi ol memleket qazynasyna 73,4 mln teńge tóleýge mindetteldi, - dep habarlaıdy QazAqparat tilshisi.

Atalǵan másele týraly tikeleı efır kezinde AntikorLive Sybaılas jemqorlyqqa qarsy agenttiktiń Almaty oblysy boıynsha departament basshysy Ernar Maqajanov málimdedi.

Esterińizge sala keteıik, Qarasaı aýdany ákiminiń orynbasary jeke seriktestiń birinen kelisimshartqa qol qoıý kezinde para aldy degen kúdikke ilingen bolatyn. Ol «Jol kartasy 2020» baǵdarlamasy aıasynda salynatyn nysanǵa «qamqorlyq» tanytý úshin sybaılastyqqa barǵan. Al salynýy tıis obektiniń quny 600 mln teńge bolǵan.