33,4 myń qazaqstandyq otbasy jyl basynan jańa baspana aldy

NUR-SULTAN. QazAqparat – Qazaqstanda bıylǵy bes aıda 33 myńnan astam turǵyn úı tapsyryldy. Bul týraly QR Indýstrııa jáne ınfraqurylymdyq damý mınıstrliginen málim etti, dep habarlaıdy QazAqparat.

Málim etilgendeı, 15 óńirde turǵyn úı qurylysynyń oń dınamıkasy baıqalady. Aldyńǵy orynda - Túrkistan (131,2%), Qaraǵandy (124,9%), Shyǵys Qazaqstan (114,3%), Batys Qazaqstan (111,9%), Jambyl (108,7%), Soltústik Qazaqstan (108%) jáne Qostanaı (107,9%) oblystary tur.

Respýblıkada qańtar-mamyr aılarynda 4 075 myń sharshy metr turǵyn úı paıdalanýǵa berildi. Barlyǵy 33 479 baspana tapsyryldy, onyń ishinde 14 209 - jeke úı.

«Ótken jylmen salystyrǵanda turǵyn úıdi paıdalanýǵa berý kóleminiń ósimi 9 óńirde baıqalady. Olar - Soltústik Qazaqstan (114,7%), Pavlodar (113,3%), Qostanaı (112,2%), Jambyl (109%), Qaraǵandy (107,2%), Shyǵys Qazaqstan (105,2%), Aqtóbe (103,2%) oblystary, Nur-Sultan (106,7%) jáne Almaty (114,2%) qalalary», - dedi mınıstrlikten.