3200-den astam jolaýshy dittegen jerine qosymsha vagondarmen jetkizildi
ASTANA. QazAqparat - Elimizde aýa raıynyń qolaısyzdyǵyna jáne birqatar avtomobıl joldarynyń jabylýyna oraı jolaýshylardy dittegen jerine jetkizý úshin qosymsha vagondar bólindi. Bul týraly «Jolaýshylar tasymaly» kompanııasynan málim etti, dep habarlaıdy QazAqparat.
Máselen, ótken demalys kúnderi ulttyq tasymaldaýshy temir joldyń barlyq ýchaskeleri arqyly júretin poıyzdarǵa qosymsha 60-tan astam vagon tirkedi. Bul 3200-den astam jolaýshyny dittegen jerine der ýaqytynda jetkizýge múmkindik berdi.
Aıta keterligi, aýa raıynyń qolaısyzdyǵyna baılanysty «Qazaqstan temir joly» UK» AQ-nyń qurylymdyq bólimsheleri men enshiles kásiporyndary kúsheıtilgen rejimde jumys isteýde.
