32 jylda Qazaqstanǵa qansha etnıkalyq qazaq oraldy

ASTANA. QazAqparat – Bıylǵy jyl basynan 4,5 myń astam etnıkalyq qazaq qandas mártebesin aldy. QazAqparat bul týraly Eńbek jáne halyqty áleýmettik qorǵaý mınıstrligine silteme jasap habarlaıdy.

2023 jylǵy 1 sáýirdegi jaǵdaı boıynsha 4 575 etnıkalyq qazaq tarıhı otanymen tabysyp, qandas mártebesin aldy. Jalpy 1991 jyldan beri respýblıkaǵa 1 mıllıon 111,1 myń etnıkalyq qazaq oraldy.

Jyl basynan Qazaqstanǵa kelgen qandastardyń teń jartysy (52,4%) – Ózbekstannan, 19,3% – Qytaıdan, 6,3% – Túrikmenstannan, 5,3% – Mońǵolııadan, 13% – Reseıden jáne 3,7% basqa elderden keldi.

Olar negizinen Almaty (27,9%), Mańǵystaý (13,9%), Túrkistan (6,8%) jáne Jambyl (5%) oblystaryna, sondaı-aq Almaty (9,0%), Astana (11%) jáne Shymkent (6,5%) qalalaryna qonystandy.

Osy jyldyń 1 sáýirindegi jaǵdaı boıynsha eńbekke qabiletti jastaǵy etnıkalyq qonys aýdarýshylar sany – 69,1%, eńbekke qabiletti jastan kishiler – 22,3% jáne zeınetkerler 8,6% quraıdy.

Eńbekke qabiletti jastaǵy qandastardyń ishinde bilim deńgeıi boıynsha 18,5% - joǵary bilimdi, 39,9% - orta kásibı bilimdi, 36,7% - jalpy orta bilimdi jáne 4,8% bilimi joq.