32 myńǵa jýyq qazaqstandyqtyń múgedektik merzimi avtomatty túrde uzartyldy
Vedomstvo baspasóz qyzmetiniń málimetinshe, buryn belgilengen múgedektik toby úshin memlekettik járdemaqy tóleý 17 shildede júzege asyryldy.
«9 myńnan astam qazaqstandyq eGov.kz portaly arqyly onlaın rejımde múgedektikti rásimdedi nemese uzartty. Bul múmkindik avtomatty túrde uzartýmen qatar, memlekettik mekemelerde adamdardyń kóp jınalýyn boldyrmaý jáne koronavırýs ınfektsııasyn juqtyrý qaýpin azaıtý maqsatynda múgedektigi bar adamdarǵa berildi. SOVID-19 taralýyna baılanysty shekteý sharalarynyń qoldanylýynyń barlyq kezeńi boıy azamattar múgedektikti belgileý jáne kýálandyrýdan qaıta ótý úshin elektrondyq formatta ótinish bere alady», delingen habarlamada.
Ótinish berý úshin eGov.kz portalynda avtorlaný qajet jáne elektrondyq tsıfrlyq qoltańba bolýy tıis.
Portalǵa kirgennen keıin joǵarǵy oń jaq buryshynda ashylmaly tizim bar batyrmany basyp, «Elektrondyq ótinishter» jáne «Qyzmetke onlaın tapsyrys berý» degendi tańdaý qajet.
Sodan keıin ótinish berýshi óziniń jeke kabınetine kiredi, ol jerde «Qurý» túımesin basý kerek. Sodan keıin joldardy toltyrý kerek («óńir», «naqty turatyn mekenjaıy», «uıaly telefon» jáne t.b.). «Alýshy» jolynda «Eńbek, áleýmettik qorǵaý jáne kóshi-qon komıtetiniń aýmaqtyq departamenti» tarmaǵyn tańdańyz. Budan basqa, qujattardyń fotoǵa túsirilgen nemese skanerlengen kóshirmelerin qosa berý qajet. Tizimdi «Qajetti qujattar tizimi» siltemesine ótý arqyly kórýge bolady.
Sońǵy áreket – ETsQ kilttiń kómegimen ótinimge qol qoıý. Ol úshin «Sertıfıkatty tańdaý» batyrmasyn basý jáne ataýy «RSA...» - dan bastalatyn faıldy tańdaý qajet, sodan keıin júıe ashyq paroldi engizýdi talap etedi.
Ótinish berý nátıjesinde ótinimge jeke kabınette statýs beriledi.
EGov.kz portaly arqyly múgedektikti belgileýge ótinish berý múmkindigi qazaqstandyqtar úshin tótenshe jaǵdaıdy engizý kezinde alǵash ret paıda boldy. Naýryz aıynan shilde aıyna deıin osy tásilmen 9 699 azamatqa múgedektik belgilengen.
