32 myń shaqyrym óńir joldarynyń normatıvtik deńgeıi 95 paıyzǵa deıin kóteriledi

ASTANA. KAZINFORM — Aldaǵy 3 jylda 32 myń shaqyrym óńir joldarynyń normatıvtik deńgeıi 95 paıyzǵa deıin kóteriledi.

Bul týraly Úkimet otyrysynda Kólik mınıstri Nurlan Saýranbaev aıtty.

- Qazaqstanda 95 myń shaqyrym avtomobıl joldary bar. Onyń ishinde 25 myń shaqyrym - respýblıkalyq joldar. Bul joldar Kólik mınıstrligine qaraıdy. Normatıvtik jaǵdaıy 94 paıyzdy quraıdy. Al 70 myń shaqyrym oblystyq jáne aýdandyq joldar jergilikti organdarǵa qaraıdy. Onyń normatıvtik jaǵdaıy – 91 paıyz, - dedi mınıstr.

Onyń aıtýynsha, respýblıkalyq mańyzy bar joldarda normatıvtik jaǵdaı shamamen bir deńgeıde saqtalǵan. Al jergilikti joldar boıynsha batys óńirinde joldardyń normatıvtik deńgeıi tómendeý.

- Kele jatqan úsh jyldyń ishinde jergilikti organdarmen birge óńirlik joldardyń jumystaryn 5 ese kóteremiz. Jumystyń nátıjesinde 32 myń shaqyrym óńir joldaryn normatıvtik deńgeıin 95 paıyzǵa deıin kóteremiz. Bul jumystardy atqarý úshin vedomstvolyq normatıvterge tıisti ózgerister qabyldandy. Qazirgi ýaqytta standarttarǵa ózgerister engizý jumysy aıaqtalyp jatyr. Sonymen qatar, ótken aptada ákimshilikterdiń ókilderimen jınalys ótkizildi. Túsinistik bar, jergilikti organdar jumystaryna kirisip jatyr, - dedi Nurlan Saýranbaev.

Aıta keteıik, Úkimet avtojol salasyn damytý máselesin pysyqtap jatyr.