32 keli esirtki zattaryn saqtaǵan qostanaılyq ustaldy
QOSTANAI. QazAqparat – Qostanaı oblysynda asa iri kólemde esirtki zattaryn saqtaǵan er adam ustaldy, dep habarlaıdy QazAqparat oblystyq polıtsııa departamentiniń baspasóz qyzmetine silteme jasap.
Polıtsııa qyzmetkerleriniń jedel izdestirý is-sharalary nátıjesinde Qostanaı qalasyndaǵy garaj kooperatıvteriniń birinen kúdikti azamat ustaldy.
«Qyzmetkerler onyń «Lada-Kalına» avtokóliginen alty kılogramm keptirilgen marıhýana tapty. Ustalǵan azamattyń garajynan qyzmettik-izdestirý ıtiniń kómegimen tintý kezinde marıhýana bar taǵy eki túıinshek tárkilendi. Garaj kireberisindegi týmbadan bir jarym kılogramm esirtki, sondaı-aq taqtaıshalar astyndaǵy shuńqyrdan qapshyqqa salynǵan 25 kılogramnan astam marıhýana tabyldy», - delingen polıtsııanyń aqpataratynda.
Tárkilengen esirtki zatynyń jalpy salmaǵy – 32 kg 826 gr, bul asa iri salmaqqa jatady. Kúdiktiniń múlki tárkilenip, on jyldan on bes jylǵa deıingi merzimge bas bostandyǵynan aıyrylýy múmkin. Ol oqıǵa ornynda qamaýǵa alyndy.
