32 qarý ıesi jazalandy - Qyzylorda oblysy
QYZYLORDA. QazAqparat - Qyzylorda oblysynda 2017 jyldyń 13-15 naýryz aralyǵynda atys qarýyn qoldana otyryp jasalatyn qylmystardyń aldyn alý, ishki ister organdarynda tirkeýde turǵan azamattyq qarý aınalymyn baqylaý, saqtalýyn qamtamasyz etý, dabyl qondyrǵylarynyń sapalylyǵyn jáne zańnama talaptaryna saı bolýyn baqylaý maqsatynda Qyzylorda oblysy aýmaǵynda «Qarý» jedel-profılaktıkalyq is-sharasy ótkizilýde.
Bul týraly QazAqparat HAA tilshisi oblystyq OІІD silteme jasap habarlady.
Shara barysynda polıtsııa qyzmetkerlerimen arnaıy reıdtik jumystar júrgizilip, qarý-jaraqtardyń ıeleri tekserildi.
Nátıjesinde is-sharanyń 1 kúninde 32 zań buzýshylyq anyqtalyp, ishki ister organdarynda tirkelmegen 4 qarý tárkilendi. Sonymen qatar, QR Ákimshilik quqyq buzýshylyq týraly kodeksiniń 484-baby boıynsha, azamattyq qarýdy, onyń patrondaryn ıelený, berý, esepke alý, saqtaý, paıdalaný nemese tasymaldaý qaǵıdalaryn buzǵany úshin 17 qarý ıesine, QR ÁQBtK-niń 486-baby boıynsha azamattyq qarýdy tirkeý (qaıta tirkeý) ne ony esepke qoıý tártibin buzǵany úshin 11 qarý ıesine ákimshilik hattama toltyryldy.
