32 el munaı baǵasyn turaqtandyrý úshin strategııalyq qor ashady
ASTANA. KAZINFORM — Halyqaralyq energetıka agenttigi oǵan múshe elder munaı baǵasyn turaqtandyrý maqsatynda strategııalyq qorlardan 400 mln barrel munaıdy bosatý týraly biraýyzdan sheshim qabyldaǵanyn habarlady, dep habarlaıdy DW.
Bul uıym tarıhyndaǵy eń iri osyndaı qadam bolmaq.
Qordy bosatý kestesi ázirge belgilengen joq. Agenttik málimdemesinen keıin munaı baǵasy birneshe dollarǵa tómendep, bir barreli shamamen 84 dollarǵa tústi.
Halyqaralyq energetıka agenttiginiń quramyna 32 memleket kiredi. Olardyń qatarynda AQSh, Ulybrıtanııa, Japonııa, Germanııa, Kanada, Aýstralııa, Italııa jáne Meksıka bar.
Agenttik málimetinshe, uıymǵa múshe elderdiń strategııalyq munaı qorynyń jalpy kólemi 1,2 mlrd barrelden asady.
Aıta ketelik Qazaqstanda munaı jáne gaz kondensatyn óndirý 96-98 mln tonnaǵa deıin tómendeýi múmkin.
