31 jeltoqsandy demalys kúni etip jarııalaý máselesin qarastyrýǵa bolady - QR DSÁDM
«Eger de bizdiń qoǵam bul máseleni qarastyrǵysy kelse, árıne, bolady. Basqa jaǵynan alyp qaraǵanda, ujymdyq-kelisim qatynastary týraly aıtatyn bolsaq, 31 jeltoqsan kúni tym bolmasa tústen keıin jumys istegińiz kelmeıtinin qoǵam múshesi retinde jarııalasańyz, onda jumys berýshi de osyndaı pikirde dep oılaımyn. Sondyqtan da meniń oıymsha, kásiporyndarda tájirıbe júzinde bul másele ózderiniń arasynda sheshilip júr. Eger de zańnamalyq turǵyda alyp qaraıtyn bolsaq, bul taqyrypty qarastyrýǵa tyıym salyndy dep aıta almaımyn»,-dedi búgin QR Densaýlyq saqtaý jáne áleýmettik damý vıtse-mınıstri Birjan Nurymbetov «Nur Otan» partııasy baspasóz ortalyǵynda ótken brıfıngte.
Osy oraıda ol demalys retinde belgilengen merekelik kúnder arnaıy zańmen retteletinin eske salyp ótti. Oǵan sáıkes, 1 jáne 2 qańtar demalys kúnderi retinde belgilengen.
Óz kezeginde QR Parlamenti Májilisiniń depýtaty Irına Aronova bul taqyryp qoǵamda keńinen talqylansa, onda depýtattar ony qarastyrýǵa daıyn ekenin jetkizdi.