31 jeltoqsanda eldegi qaı joldar jabyq tur

ALMATY. KAZINFORM — «QazAvtoJol» ulttyq kompanııasy eldegi joldardyń qazirgi ahýaly týraly habarlady.

2025 jylǵy 31 jeltoqsan saǵat 08:30–daǵy jaǵdaı boıynsha aýa raıynyń buzylýyna baılanysty úsh oblystaǵy úsh respýblıkalyq mańyzy bar avtomobıl jolynda kólik qozǵalysyna shekteý qoıyldy.

Batys Qazaqstan oblysy

• «Aqtóbe — Oral — RF shekarasy» avtojolynyń 273-393-shaqyrym aralyǵy (Barbastaý aýyly — Jympıty aýyly).

Jetisý oblysy

• «Úsharal — Dostyq» avtojolynyń 84-164-shaqyrym aralyǵy (Kóktuma aýyly — Dostyq stansasy).

Mańǵystaý oblysy

• «Dossor — Qulsary — Beıneý — Saıótes — Shetpe — Jetibaı — Aqtaý» avtojolynyń 332-632-shaqyrym aralyǵy (Beıneý eldi mekeni — Shetpe eldi mekeni).

2025 jylǵy 31 jeltoqsanda Aqmola, Qaraǵandy, Soltústik Qazaqstan Aqtóbe, Ulytaý, Qyzylorda, Túrkistan, Batys Qazaqstan, Almaty, Jetisý, Jambyl, Atyraý, Qostanaı, Abaı jáne Pavlodar oblystarynyń keı jerlerinde qar aralas jańbyr men qar jaýady. 

— Sol sebepti júrgizýshilerge jyldamdyq rejımi men qaýipsiz araqashyqtyqty qatań saqtap, joldardaǵy aýa raıynyń qolaısyzdyǵyn eskerýlerińizdi suraımyz, — delingen habarlamada.

Eske salaıyq, buǵan deıin «Qazgıdromet» 31 jeltoqsanda eldiń basym bóliginde aýa raıyna baılanysty eskertý jasaǵan edi.